Боздиди Вазири саноат ва технологияҳои нави Ҷумҳурии Тоҷикистон аз корхонаҳои саноатии вилояти Суғд

IMG_1540Дар  ҷараёни  сафари корӣ,  Вазири саноат ва технологияҳои нав Шералӣ Кабир санаҳои 8-10 январи соли 2021 аз корхонаҳои саноатии шаҳру ноҳияҳои вилояти Суғд – Панҷакент, Истиқлол, Гулистон, Бӯстон, Исфара ва Хуҷанд дидан намуда,  бо вазъи фаъолияти истеҳсолии корхонаҳои Комбинати бойгардонии Адрасмон, Фулузоти нодири Тоҷикистон, Садаф, Ширкати кӯҳӣ-саноатии Тоҷикистону Хитой, Қолинҳои Суғд, Комбинати консервабарории шаҳри Исфара, Шираи гандуми Исфара, Корхонаи кимиёвии шаҳри Исфара, Тамохуши шаҳри Исфара, Зерновая Компания, Субҳи Ватан, Сомон гурӯҳ, Нассоҷи Хуҷанд, Суғдиён, Ҷавонӣ, Апрелевка ва дигарҳо аз наздик шинос шуданд.

IMG_1591Зимни боздид, таваҷҷуҳи бештар ба масъалаҳои бакорандозии пурраи истеҳсолот, ҷалби сармояи хориҷӣ ва дохилӣ, зиёд намудани ҷойҳои нави корӣ, фаъол намудани дастгоҳу таҷҳизотҳои истеҳсолии муосир, ба роҳ мондани истеҳсоли маҳсулоти рақобатпазири воридотивазкунанда ва дар ин замина амалӣ намудани ҳадафи чоруми миллӣ – саноатикунонии босуръати Ҷумҳурии Тоҷикистон зоҳир карда шуд.

 

 

                                                                                                                                                           Бахши котиботи Вазорати саноат ва

                                                                                                                                                           технологияҳои нави Ҷумҳурии Тоҷикистон