САНОАТИ ХӮРОКВОРӢ

Нишондодҳои асосии соҳаи саноати хӯрокворӣ дар соли 2017

9

Нишондоди асосӣ саноати хӯрокворӣ ин зиёд намудани ҳиссаи махсулоти соҳа дар маҷмӯи маҳсулоти саноатӣ, тавассути татбиқи технологияҳои инноватсионӣ дар истеҳсолот буда, татбиқи он ба таъмини амнияти озуқаворӣ ва табдил додани раванди идомадоштаи иқтисодиёт ба кишвари саноатӣ-аграрӣ, ки дар Стратегияи рушди миллии Ҷумҳурии Тоҷикистон барои давраи то соли 2030 пешбинӣ гардидааст, мусоидат менамояд.
Соли 2017 дар натиҷаи ҷалби сармоя ва воридоти таҷҳизоти технологии муосир дар саноати хӯрокворӣ 56 корхонаю коргоҳ бо таъсиси 579 ҷойҳои нави корӣ сохта ба истифода дода шуд.
Тибқи маълумотҳо ҳаҷми истеҳсоли маҳсулоти саноати хӯрокворӣ дар соли 2017 ба 4304,6 миллион сомонӣ расонида шуд, ки ин нишондод нисбати соли гузашта 116,8% ва ё 619,3 миллион сомонӣ зиёд мебошад. Ҳиссаи он дар маҷмӯи маҳсулоти саноатии кишвар 21,5%-ро ташкил дод.
Воридоти ашёи хоми коркард ва истеҳсоли маҳсулотҳои нав, маҳсулоти ивазкунандаи воридот ва ба содирот нигаронидашуда рӯ ба афзоиш ниҳода, соли 2017 бо ворид намудани зиёда аз 1 млн тонна гандум ва коркарди саноатии он ҳаҷми истеҳсоли орди ватанӣ ба 647,6 ҳазор тонна расонида шуд. Дар натиҷаи истифодаи ашёи хоми воридотӣ ва истеҳсоли маҳсулоти ниҳоӣ дар корхонаҳои саноатӣ, ҳиссаи орди гандумии истеҳсоли ватанӣ дар таъмини бозори истеъмолии кишвар афзун гардада, ҳиссаи он ба 92% расонида шуда, ҳиссаи ордӣ воридотӣ то ба 8% (54,6 ҳаз.тн) коҳиш ёфт, ки дастоварди назарраси соҳа дар самти табдил додани раванди идомадоштаи иқтисодиёт ба кишвари саноатӣ-аграрӣ мебошад.

15