САНОАТИ АНГИШТ

Доир ба натиҷаҳои фаъолияти корхонаҳои соҳаи саноати ангишт дар соли 2018

Соли 2018 истихроҷи ангишт дар ҷумҳурӣ ба 1 млн. 907 ҳазор тонна расонида шуд, ки дар таърихи кишвар нишондиҳандаи  баландтарин буда,  аз ҷониби 12 корхонаи истихроҷи ангишт аз захираҳои 9 кон истихроҷ карда шуд. Дар ин дастовард саҳми КФ “Шахтаи “Фон-Яғноб” – 46,3 %, ҶДММ “Талко Ресурс”-23 % ва ДИА-и ҶДММ “Комбинати металлургии Тоҷик-18%-ро ташкил дод, назаррас мебошанд.

ангт

(ДИА-и ҶДММ «Комбинати металлургии Тоҷик»)

Харидории  ангишт  дар давраи ҳисоботӣ бо назардошти бақияи соли сипаригардида 1 млн. 785 ҳазор тоннаро ташкил дод.

Мувофиқи маълумоти ҶСНК “МБГ ш. Душанбе”  ба Маркази барқу гармидиҳии Душанбе-2  дар  соли 2018  831 ҳазор  тонна, аз ҷумла бевосита аз конҳои ангишт -822,2 ҳазор тонна ва  КВД “Ширкати Алюминии Тоҷик” -8,7 ҳазор тонна ангишт кашонида шудааст.

Таҳлилҳо нишон дод, ки харидории ангишт аз тарафи муассисаҳои буҷетӣ, ки бевосита аз корхонаҳои истихроҷкунанда ангиштро харидори намудаанд,  нисбат ба соли 2017 12,2 ҳазор тонна, маркази барқу гармидиҳӣ – 38,6 ҳазор тонна, корхонаҳои саноатӣ – 88 ҳазор тонна, содирот -39,7 ҳазор тонна зиёд, аҳолӣ бошад 53 ҳазор тонна кам ангиштро харидори намудаанд.

Мавриди зикр аст, ки аз соли 2005 то соли 2012 агар ҳамагӣ зиёда аз 12 ҳазор тонна ангишт содирот карда шудабошад, соли 2018 содирот 3,7 маротиба зиёд мебошад.

Ба ҳолати 1 январи соли 2019 захираи ангишт дар анбори корхонаҳои соҳаи саноати ангишт бо назардошти бақияи соли сипаригардида зиёда аз 377 ҳазор тоннаро ташкил медиҳад.

Бояд тазаккур дод, ки вобаста ба  гузаштани  КВД “Талко” (50%), дегхонаҳои Шарқӣ ва Ғарбӣ ба истифодаи гази табиӣ, талаботи онҳо ба ангишт 92 ҳазор тонна кам гардид. Мувофиқи маълумотҳои фаврӣ дар анборҳои корхонаҳои саноатӣ зиёда аз 520,8 ҳазор тонна, аз ҷумла дар корхонаҳои  истихроҷкунандаи ангишт 377,8 ҳазор тонна, сементбарорӣ 100 ҳазор тонна, соҳаи мошинсозӣ,  мудофиа ва химия  43 ҳазор тонна ангишт бақия мондааст, ки он ба харидории ангишт дар соли 2019 таъсири худро мерасонад.

Бо мақсади харидории техникаҳои карерӣ ва таҷҳизотҳо барои коркарди шахта, асосан аз ҷониби корхонаҳои соҳа 44,2 млн. сомонӣ  маблағгузорӣ карда шудааст, ки нисбати соли 2017  23,2 млн. сомонӣ зиёд мебошад.

анггг