РАЁСАТИ МАЪДАН

Маълумотнома оид ба фаъолияти корхонаҳои соҳаи саноати маъданҳои кӯҳӣ ва металлҳои қиматбаҳо дар 9 моҳаи соли 2019

Тилллло-голд-735x400 (1)

Раёсати саноати маъданҳои кӯҳӣ ва металлҳои қиматбаҳо доир ба фаъолияти истеҳсолии корхонаҳои саноатӣ дар 9 моҳаи соли 2019, чунин маълумот манзур менамояд.

Давоми нуҳмоҳи соли 2019 дар корхонаҳои соҳаи саноати маъданҳои кӯҳӣ ва металлҳои қиматбаҳо ба маблағи 4843,3миллион сомонӣ маҳсулот истеҳсол шудааст, ки нисбат ба ҳамин давраи соли гузашта 375,9 миллион сомонӣ ё 108,4 % зиёд мебошад.

Ҳаҷми истеҳсоли маҳсулоти саноатии корхонаҳои саноати маъданҳои кўҳӣ 25,7% маҳсулоти умумии корхонаҳои саноатии ҷумҳуриро ташкил намуданд.

Дар ин давра ҶДММ КМ “Зарафшон”, ҶДММ КМ “Анзоб”, ҶДММ “Шимшо”, ЧДММ “Пакрут” ва ҶДММ “Гули Мурод” ҳаҷми истеҳсоли маҳсулотро зиёд намуданд, аз ҷумла:

– тилло 130,2 %,

– нуќра 136,9 %,

– хокаи сурб 111,4%

– хокаи мис 101 %,

– хокаи сурма 114,9 % ё ин, ки 6789,4 тн;

– маъдани фториди калсий 15000 т ё ин ки 11000 тонна ва хокаи флюорит 4044 тонна ё 1215,7 тонна нисбати ҳамин давраи соли 2018 зиёд мебошад.

Ҳаҷми фурӯши маҳсулот 3803,9 миллион сомонӣ ва ҳаҷми содироти маҳсулот ба 1930 миллион сомонӣ ё ин, ки 204,1 млн. доллари ИМА-ро ташкил медиҳад.

Ба ҳисоби умумӣ тиллои ба фурўш бароварда, аз тарафи Бонки миллии Тоҷикистон, Вазорати молияи Ҷумҳурии Тоҷикистон ва корхонаҳои заргарии ҷумҳурӣ харидорӣ шудааст, ки ин 100% -ро ташкил мекунад,

Барои рушди соҳа дар корхонаҳои амалкунанда сармояи хориҷӣ ва дастгоҳҳу таҷҳизот ба маблағи 863,8 миллион сомонӣ (89,2 млн доллари ИМА) ҷалб карда шудааст.

Бояд иброз намуд, ки шумораи кормандони соҳа дар нуҳмоҳа 9600 нафар, музди миёнаи меҳнати як нафар корманд 3382 сомониро ташкил медиҳад, ки нисбати ҳамин давраи соли гузашта шумораи кормандон 888 нафар ва музди миёнаи меҳнат 391 сомонӣ зиёд мебошад.

Мутаасифона аз аввали соли ҷорӣ нархҳои металлҳои ранга тамоюли пастравӣ дорад.

Бояд ќайд намуд, ки нархҳои руҳ 109,1 доллари ИМА, хокаи сурма 2703 доллари ИМА ва мис 124,8 доллари ИМА нисбати ҳамин давраи соли 2018 поён рафтааст.

Дар фарҷом зиёни умумӣ аз ҳисоби поён рафтани нархи металлҳои дар боло зикргардида ба 55,02 млн доллари ИМА ё ин кӣ 533,1 млн сомонӣ баробар мебошад.

Ҳамзамон ҷиҳати равнаќ додани соҳа ва ба кор даровардани иќтидорҳои нави истеҳсолӣ, ташкили ҷойҳои нави корӣ ва истеҳсоли маҳсулоти содиротӣ, дар нуҳ моҳи соли 2019 сохтмони иншоотҳои нави истеҳсолӣ аз тарафи ҶДММ “ТВЕА Душанбе саноати кўҳӣ” барои истеҳсоли тилло дар заминаи кони Кумарғи болои ноҳияи Айнии вилояти Суғд ва ҶСП «ТАЛКО Голд» истеҳсоли тилло ва хокаи сурма идома дорад.

Корхонаҳои соҳаи саноати маъданҳои куҳӣ дар семоҳаи чоруми соли 2019 барои таъмини иҷрои вазифаҳои дар пешгузошта саъю кӯшиш намуда, мақсад доранд ҳаҷми истеҳсоли маҳсулотро 108,9 % нисбати соли 2018 таъмин намояд, аз ҷумла:

–   тилло 110 %,

–   нуқра 104,3 %

–   хокаи сурб 106 %

–   хокаи сурма 105 %

 

Маълумотнома оид ба фаъолияти корхонаҳои соҳаи саноати маъданҳои кӯҳӣ ва металлҳои қиматбаҳо дар нимсолаи якуми соли 2019.

1017156668

Дар нимсолаи якуми соли 2019 аз тарафи корхонаҳои соҳаи саноати маъданҳои кӯҳӣ ва металлҳои қиматбаҳо ба маблағи 3052,4 миллион сомонӣ маҳсулот истеҳсол шудааст, ки нисбат ба ҳамин давраи соли гузашта 211,6 миллион сомонӣ зиёд мебошад.

Ҳаҳми истеҳсоли маҳсулоти саноатии корхонаҳои саноати маъданҳои кӯҳӣ 25,6% ҳаҳми умумии маҳсулоти корхонаҳои саноатии ҳумҳуриро ташкил намуданд.

Дар ин давра ҲДММ КМ “Зарафшон”,  ҲДММ КМ “Анзоб”, ҲДММ  “Шимшо”, ЧДММ “Пакрут” ва ҲДММ “Гули Мурод” ҳаҳми истеҳсоли маҳсулотро зиёд истеҳсол намуданд, аз ҳумла:

  • тилло 151,4 %,
  • нуқра 132,5 %,
  • хокаи руҳ 107,9 % ё ин, ки 2891,5 тн зиёд,
  • хокаи сурма 130,5 % ё ин, ки 8701,4 тн зиёд мебошад.

Ҳаҷми фурӯши маҳсулот 2733,1 миллион сомонӣ ва ҳаҳми содироти маҳсулот 1546,6 миллион сомонӣ ё ин, ки 164,0 млн. доллари ИМА-ро ташкил медиҳад.

Ба ҳисоби умумӣ тиллои ба фурӯш бароварда, аз тарафи Бонки миллии Тоҳикистон, Вазорати молияи Ҳумҳурии Тоҳикистон ва корхонаҳои заргарии ҳумҳурӣ харидорӣ шудааст, ки ин 100 % -ро ташкил мекунад,

Барои рушди соҳа сармояи хориҷӣ ба маблағи 266,6 миллион сомонӣ  (28,2 млн доллари ИМА) ҷалб карда шудааст.

Бояд иброз намуд, ки  шумораи кормандони соҳа дар ин нимсола 8820 нафар буда, музди миёнаи меҳнати як нафар корманд 3598 сомониро ташкил медиҳад. Ин нишондиҳандаҳо нисбати ҳамин давраи соли гузашта аз ҳумла, шумораи кормандон 590 нафар ва  музди миёнаи меҳнат 343  сомонӣ зиёд мебошад.

Лозим ба ёдоварист, ки хокаҳои истеҳсолнамудаи корхонаҳо ба таври яклухт дар асоси шартномаҳои ҳамкории дорозмӯҳлат харидорӣ шуда, тибқи нархномаи биржаҳои фурӯши металлҳои рангаи Лондон фурӯхта мешавад.

Ҳамзамон ҳиҳати равнақ додани соҳа ва ба кор даровардани иқтидорҳои нави истеҳсолӣ, ташкили ҳойҳои нави корӣ ва истеҳсоли маҳсулоти содиротӣ, сохтмони иншоотҳои нави истеҳсолии ҲДММ “ТВЕА Душанбе саноати кӯҳӣ” барои истеҳсоли тилло дар заминаи кони “Кумарғи боло”- и ноҳияи Айнии вилояти Суғд, ҲСК “Равшан”- истеҳсоли  маҳсулоти заргарӣ ва ҳавоҳиротӣ дар ш. Душанбе ва ҶСП «ТАЛКО Голд» истеҳсоли тилло ва хокаи сурма дар давраи ҳисоботӣ идома дорад.

Дастовардҳои соҳаи саноати маъданҳои кӯҳӣ ва металлҳои қиматбаҳо дар соли 2018

Корхонаҳои соҳаи саноати маъданҳои кӯҳӣ ва металлҳои қиматбаҳо дар соли 2018 ба маблағи 5,91 млрд. сомонӣ маҳсулот истеҳсол намуданд. Суръати афзоиш назар ба ҳамин давраи соли 2017 -107,5%-ро ташкил медиҳад, ки ин нисбати соли гузашта +411,3 млн. сомонӣ зиёд мебошад. Дар ин давра ҳаҷми истеҳсоли маҳсулоти саноатии корхонаҳои саноати маъданҳои кӯҳӣ 24,8% -и маҳсулоти умумии корхонаҳои саноатии ҷумҳуриро ташкил намуд.

Дар зиёдшавии ҳаҷми истеҳсоли маҳсулот саҳми корхонаҳои ҶДММ КМ “Зарафшон”, ҶДММ “Ширкати металлургии Анзоб”,  ҶДММ КМ “Анзоб”, Корхонаи давлатии “Тиллои Тоҷик”,  ҶДММ  “Шимшо”, ҶДММ “Пакрут”, ҶДММ “Нуқрафом”, ҶДММ “Рухом”  ва ҶСК “ ЛКРМ” бештар ба назар мерасад.

барабан

Ҳаҷми истеҳсоли тилло нисбати хамин давраи соли гузашта 116,9%,  нуқра 145,1%, хокаи мис 1,4 маротиба, хокаи сурма 109% ва сурмаи металлӣ 132,7 %-ро ташкил доданд.

Дар маҷмӯъ фурӯши маҳсулоти корхонаҳои соҳа дар ин давра 5,79 млрд  сомонӣ, аз он ҷумла ҳаҷми содироти маҳсулот ба хориҷи кишвар 4 млрд. сомонӣ ё  425 млн. доллари ИМА, ки суърати афзоиш нисбати соли 2017 ба ҳисоби миёна 110,8%-ро ташкил намуд.

Шумораи кормандони соҳа 10392 нафар буда, музди миёнаи як нафар корманд 3210 сомонӣ ва пардохти андозҳои давлатӣ ба буҷети ҷумҳурӣ зиёда аз 1 млрд. 590 млн. сомониро ташкил намуд. Қайд кардан ба маврид аст,  ки шумораи кормандон нисбат ба ҳамин давраи соли гузашта +1240 нафар  зиёд мебошад.

Бо мақсади ғанӣ гардонидани захираи металлҳои қиматбаҳои мамлакат 100% маҳсулоти фулузоти қиматбаҳо №1 дар  дохили  ҷумҳурӣ фурӯхта шудааст.

Ҷиҳати равнақ додани соҳа ва ба кор даровардани иқтидорҳои нави истеҳсолӣ, ташкили ҷойҳои нави корӣ ва истеҳсоли маҳсулоти содиротӣ, дар соли 2019 иншоотҳои нави истеҳсолӣ бо истифода аз ашёи хоми ватанӣ мавриди баҳрабардорӣ қарор дода мешавад.

Тибқи нақшаҳои пешбинишуда дар соли 2019 ду корхонаи нави саноатӣ : ҶДММ  “ТЕВА Душанбе саноати кӯҳӣ” барои истеҳсоли тилло дар заминаи кони “Кумарғи боло”-и ноҳияи Айнии вилояти Суғд ва ҶСК “Равшан”- истеҳсоли  маҳсулоти заргарӣ ва ҷавоҳирот дар шаҳри  Душанбе фаъолияти истеҳсолии худро оғоз менамоянд, ки барои зиёд намудани ҳаҷми маҳсулоти саноатии соҳа саҳми  назаррас хоҳад гузошт

к5